Gözüdür Aranın, cümlə-cahanın...(fotolar)

Kür Zərdaba Allahın bəxşişidir.

  Zərdab rayonu Kür çayının sahilində yerləşir. Uzunluğu 1515 km olan, öz başlanğıcını Türkiyədən götürən Kür çayı, Türkiyə və Gürcüstandan keçir və Azərbaycan ərazisində özünün ən böyük qolu olan Araz çayı ilə birləşərək, Xəzərə tökülür. Kürün şəninə çoxlu şeirlər yazılıb.

 Aşıq Pənah onu “Ana Kürüm” deyərək vəsf edib:

Nəğmə deyər şirin-şirin,

Ana Kürum, Ana Kürüm.

Bəzəyisən sən bu elin,

Ana Kürum, Ana Kürum. 

Bəziləri isə "Dəli Kür" adlandırıb.  

 Dəli Kür qızışıb həddini aşır,

Baş-başa gəlmişdir ölümlə hünər!

Uçduqca yarğanlar, köklü ağaclar,

Kür udur onları bir əjdaha tək. (S.Vurğun)

İ.Şıxlının “Dəli Kür”-ü əsasında şəkilmiş filmdə Gülağa  Məmmədovun ifası yəqin ki, yadınızdadır:

Bir gəlinsən yatağında

Təbiətin qucağında.
Nazənin Kür, gözəl Kür!

Molla Pənah Vaqifin  nəinki Aranın, hətta « Cümlə-cahanın» gözü adlandıdığı  Kür qırağı müxtəlif  vaxtllarda müxtılif  yolçülar üçün dayancaq yeri olmuşdur. 

Qış günü qışlağı Qıraqbasanın,

Gözüdür Aranın, cümlə-cahanın,

Belə gözəl yerin, gözəl məkanın

Bir gözəl obası hayıf ki, yoxdur?

Kür üzərindəki körpülər, sularında üzən bərə və gəmilər müxtəlif  regionları bir-biri ilə əlaqələndirib. Saytımızın daimi izləyicilərindən olan Maarif Qurbanov  təxminən 1964 -cu illdə  su tramvayı ilə Əlvənddən rayon mərkəzinə getməyini xatıladığını,  2015-ci il Bakı Avropa oyunlarının təşkilatçıları tərəfindən  Zərdabın rəmzi kimi belə bir su tramvayının seçilməsinin təsadüfü olmadığını bildirir. 
Yəqin ki, Həmyerlimiz Teyyub Xəlilovun  (onun haqqında buradan oxuya bilərsiniz)  "Qurban olum İlahinin payına, Qobu burda qovusur Kur çayına" sözləri isə məncə hər bir zərdablı razılaşar. 
Həqiqətən Zərdab torpaqları  üçün həyat mənbəyi, zərdablılar üçün dolanışıq , isti yay günlərində sığınacaq olan Kür bizlərə İlahinin bir  payıdır.  

Gəlin hər birimiz Ürfan Məmmədlinin "Kür Zərdab üçün Allahın bəxş etdiyi bir sərvətdir. Onun qədrini bilməliyik" ( bax : Ürfan Məmmədlinin sevgi hekayəsi >>>)  çağrşına qoşulaq, İlahi pay olan Kürü qoruyaq.

Aşağıda sizə təqdim etdiyimiz fotolarr müxtəlif vaxtlarda müxtəlif insanlar tərəfindən çəkilib.  Fotoların müəlliflərinin heç də hamısının adını bilmirik. Hamısından, o cümlədən, Samir Məmmədov, Fuad Balakişiyivdən halallıq istəyir və onlara uğurlar arzulayırıq.