O dünyadan xəbərlər

Bəli, bəli, o dünyadan xəbərlərimiz var. Amma bu sizin düşündüyünüz “o dünya” deyil. Xəbər gətirdiyimiz dünya yeni texnologiyalar dünyasıdır. İstərdim ki, mənim təqdim etdiyim o dünyadan xəbərlərdə bizdən də nəsə olsun. Ən azından adımız “balonlarda seyrə çıxan əcnəbilərin” sırasına düşsün.

 Amma, hələki o dünyadan xəbərləri oxumaqla kifayətlənək.

 İlk xəbərimiz gələcəyin əskəri haqqındadır. 

17 dəfə artıq yük qaldıran, sürətlə,  yorulmadan hərəkət edən əsgər

    Təhlükəsizlik və aerokosmik sənaye sahəsində ixtisaslaşan Lockheed Martin şirkəti  San-Xose şəhərində keçiriləcək İnnovation Day sərgisində özünün yeni ONYX ekzoskletini təqdim edib.

                                           

Ekzoskletlərin əsas tətbiq sahəsi hərbi sənayedir. ABŞ ordusunda  «Future Soldier» (“Gələcəyin ordusu”) layihəsi çərçivəsində tətbiq edilən yeni texnologiyalardan biridir.

İctimayyət üçün açıq məlumatlara əsasən ekzoskletlər Yaponiya, Russiya, Amerika və İzrail ordudsunda istifadə edilir.  Turküyə 2017-ci ildə öz ekzosklet sistemini yaradıb.   
  

Ekzosklet nədir?

Ekzosklet yerimə, qaçış, dırmanma və sıçrama kimi hərəkətlərə dəstək olmaqla heyətin daha yaxşı performans göstərməsini təmin edir. Ötürücü hissələrdən və karkaslardan ibarətdir. Onu geyinmiş insanın əzələ qüvvəsi və hərəkət çevilkiyi artır. Ekzoskletlər gələcəyin prespektiv layihələri sırasındadır.

Hərbidə, tibbdə, sanəyedə, kosmosda tətbiq edilə bilər. İflic insanlara hərəkət etməyə imkan yaradan ekzoskletlər mövcüddur.

Çəkisi əsasən 5 kq-dan 30 kq arasındadır. 30 kq-dan ağır olanlara da rast gəlinir.

Qiyməti 1000 ABŞ dollarından başlayır. 50000 dollardan baha olan  ekzoskletlər mövcüddür.

2010-cu ildə amerkalılar bir əskərin qaldıra biləcəyi yükdən 17 dəfə artıq yük qaldıra biləcək ekzosklet hazırladıqlarını bildirmişlər.

Lockheed Martin şirkətinin 2017-ci ildə keçirdiyi testlər zamanı FORTIS K-SRD ekzoskletini geyinmiş üzərində təcrübə aparılan şəxs 20 kq-lıq əlavə kürək çantası ilə 15 dərəcəyə qədər bucağı dəyişən test zolağında qaçaraq  ekzoskletin imkanlarını nümayiş etdirmişdi.

Lockheed Martinin ONYX qurğusu qurşaqdan aşağı istifadə eilən yeni nəsil ekzosklet hesab edilir. Qurğuda yerləşdirilən kiçik kompüter ötürücülərdən sürət, istiqmət və hərəkət bucağı haqqımda məlumatları alaraq elektro-mexanik dizlikləri idarə edir.

İnsan bədəninə uyğunlaşan ONYX istifadəçinin çevikliyini artırır, az yorulmasını təmin edir.