Zərdabda nələr olub?

Tarix zardab.com.az-dan: 2009-iyul

/24.07.2009/ Zərdabda taxıl biçinində rekord göstərici

Bu mövsüm Zərdab rayonunda rekord həddə - 52 min 382 ton taxıl istehsal olunub. www.zardab.com.az-ın əldə etdiyi məlumata görə, bu göstərici ötən ilin eyni dövrü ilə müqayisədə 7 min 255 ton çoxdur. Zərdabda ayrı-ayrı sahələrdə məhsuldarlığın 35 sentnerdən yüksək olması və adambaşına 1 tondan artıq buğdanın düşməsi yüksək nəticə hesab olunur. Bu nəticənin əldə olunmasında Zərdab rayon İcra Hakimiyyətinin həyata keçirdiyi tədbirlərin və rayon suvarma idarəsinin sahələrin suvarılmasında mexaniki üsulun tətbiqinin xüsusi əhəmiyyəti olub. 

/22.07.2009/ Milli Mətbuat Günü Zərdabda da qeyd olunacaq 

 Azərbaycanda Milli Mətbuatın əsası 1875-ci il iyulun 22-də Həsən bəy Zərdabi tərəfindən qoyulub. Düz 134 il əvvəl iyulun 22-də Həsən bəy Zərdabi tərəfindən "Əkinçi" qəzetinin ilk nüsxəsi nəşr olunub. "Əkinçi" qəzetinin nəşrə başlaması ilə Azəbaycanda milli mətbuatın əsası qoyulub. Fəaliyyət göstərdiyi iki il ərzində qəzetin maarifçilik ideyalarının yayılmasında müstəsna xidmətləri olub. Milli Mətbuat Günü münasibətilə ölkəmizdə bir sıra tədbirlər keçiriləcək. Belə tədbirlərdən biri də Zərdabinin ana yurdu Zərdab rayonunda təşkil olunacaq. Belə ki, Milli Mətbuat Günü münasibətilə rayonda ümummilli lider Heydər Əliyevin və Həsən bəy Zərdabinin abidələri önünə gül-çiçək qoyulacaq və mətbuat işçiləri ilə rayon rəhbərliyinin görüşü olacaq. Daha sonra tədbir iştirakçıları Heydər Əliyev parkı, Qələbə meydanı, H. B. Zərdabi muzeyi və Rayon İcra Hakimiyyətinin iclas zalında müxtəlif görüşlər keçirəcəklər.

/18.07.2009/ Kapital Bankın “Yay hədiyyəsi” əmanət növü 

Kapital Bankın Zərdab filialından www.zardab.com.az-a verilən məlumatda bildirilir ki, artıq 5 ildir bank yay kampaniyası çərçivəsində müştərilərinə “Yay hədiyyəsi” depozitini təklif edir. Bu bank xidməti ötən illərdə ölduğu kimi bu mövsümdə də müştərilər tərəfindən maraqla qarşılanan kompaniyalardan biri olmuşdur. Buna səbəb yay depozitinin bir neçə cəlbedici şərtləridir. Belə ki, bu əmanət növü üzrə əmanətçi faiz məbləğini əvvəlcədən (yəni hesab açıldığı gün) götürə bilər. Eyni zamanda əmanətçinin arzusundan asılı olaraq faizlər aylıq və ya müddət bitdikdən sonra ödənilir. Faizlər qabaqcadan verildikdə illik faiz dərəcəsi 13.5% hesablanır. Müştərinin arzusu ilə hesablar aylıq və ya müddətin sonunda hesablandıqda illik faiz dərəcəsi 14%-lə hesablanır. “Yay hədiyyəsi” depoziti üzrə kredit xəttinin açılması da mümkündür. Bu kredit məbləği əmanətçinin arzusu ilə (məbləğdən asılı olaraq) ona nağd yolla və ya plastik kart vasitəsiə verilə bilər. Əmanətə qəbul olunan minimal məbləğ 1000 manat/ABŞ dolları təşkil edir. Əmanət 12 ay müddətinə qəbul olunur. “Yay hədiyyəsi” əmanət növü 25 may 2009-cu il tarixdən 30 sentyabr 2009-cu il tarixinə qədər bankın bütün filiallarında qəbul edilir.

/10.07.2009/ Zərdablı gənclər III Respublika sərgisində iştirak ediblər 

Gəncə şəhərində gənclər təşkilatlarının III Respublika sərgisi keçirilib. www.zardab.com.az-ın xəbərinə görə, sərgidə Zərdab, Bakı, Abşeron, Sumqayıt, Mingəçevir, Gəncə, Şəmkir, Samux, Lənkəran, Şəki, Bərdə, Quba, İsmayıllı, Göyçay və digər rayonlardan ümumilikdə 60 yaxın gənclər təşkilatı iştirak edib. Sərgidə rayonumuzu Gəncliyə Dəstək İctimai Birliyi təmsil edib. Birliyin sədri Eldar Xəlilov www.zardab.com.az-a açıqlamasında təşkilatların sərgidə öz fəaliyyətlərini və uğurlu layihələrini kitablar, buklet və broşurlar şəklində nümayiş etdirdiklərini deyib. Eldar Xəlilovun sözlərinə görə, təşkilatlar sərgidə həmçinin bir-biriləri ilə tanışlıq yaradaraq əməkdaşlıq əlaqələri qurublar.

  Sərginin açılışında gənclər və idman nazirinin müavini İntiqam Babayev də iştirak edib. Nazir müavini: "Sərginin Gəncədə keçirilməsində əsas məqsəd regionlarda yaşayan gəncləri ictimai fəaliyyətə cəlb etmək, mövcud gənclər təşkilatlarının fəaliyyətləri haqqında onları məlumatlandırmaq və onların regionlarda fəaliyyətinin genişləndirilməsini stimullaşdırmaqdır",-deyə qeyd edib.

/04.07.2009/ Aysel Teymurzadə Zərdabda konsert verəcək 

Yaxın vaxtlarda Azərbaycanı "Eurovision-2009" beynəlxalq mahnı müsabiqəsində təmsil edən Aysel Teymurzadə Zərdab rayonu ictimaiyyəti qarşısında geniş konsert proqramı ilə çıxış edəcək. Bu barədə SİA-ya Zərdab Rayon İcra Hakimiyyəti başçısının müavini Allahverdi Səfərov məlumat verib. A. Səfərov qeyd edib ki, ötən gün Aysel Teymurzadənin atası Məhəmməd Teymurzadəyə qızının Zərdab rayonunda konsert verməsi barədə tərəfimizdən təklif olunub. "Biz gözləyirik ki, Aysel Teymurzadə nə vaxtı öz doğma Zərdab rayonunda konsert verəcək. Ümüd edirik ki, bu konsert yaxın vaxtlarda reallaşacaq", - deyə A.Səfərov əlavə edib. 

/03.07.2009/ Ekologiya naziri Zərdabda sutəmizləyici qurğulara baxış keçirdi 

Ekologiya və naziri Hüseyn Bağırov Zərdab rayonunun Yarməmmədbağı və Məmmədqasımlı kəndlərində "Hyundai" şirkətinin istehsalı olan ən müasir "osmos" texnologiyalı sutəmizləyici qurğulara baxış keçirib. www.zardab.com.az-ın xəbərinə görə, bu barədə Ekologiya Nazirliyinin mətbuat xidməti məlumat yayıb. Tədbirdə Zərdab rayon İcra Hakimiyyəti başçısının müavini Allahverdi Səfərov və rayon ictimaiyyəti iştirak edib. İctimaiyyət qarşısında çıxış edən nazir Hüseyn Bağırov quraşdırılan qurğuların fəaliyyəti nəticəsində Yarməmmədbağı kəndinin 1024 nəfər əhalisi gün ərzində 20 m3 sutəmizləmə gücünə malik 12 bulaq, Məmmədqasımlı kəndinin 2000 nəfər əhalisi isə gün ərzində 40 m3 sutəmizləmə gücünə malik 12 bulaq vasitəsilə təmiz içməli sudan istifadə edəcəklərini deyib. Nazir bildirib ki, prezident İlham Əliyev tərəfindən 2006-cı ilin 28 sentyabr tarixində təsdiq olunan "Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üzrə Kompleks Tədbirlər Planı"nın həyata keçirilməsi və ətraf mühitin sağlamlaşdırılması istiqamətində məqsədyönlü işlər aparılır. Nazir qeyd edib ki, ölkə rəhbərinin müvafiq sərəncamlarına uyğun olaraq 2007-ci ildə 8 rayon, 2008-ci ildə isə Naxçıvan Muxtar Respublikası da daxil olmaqla 12 rayonun (Ağcabədi, Biləsuvar, Sabirabad, Kürdəmir, Yevlax, Zərdab, İmişli, Saatlı, Salyan, Neftçala, Babək və Şərur) 122 kəndində modul tipli sutəmizləyici qurğular quraşdırılıb: "Həmin qurğuların fəaliyyəti nəticəsində 224 min əhali Ümumdünya Səhiyyə Təşkilatının standartlarına cavab verən içməli su ilə təmin olunub". 

Zərdab  Rayon  Uşaq  İncəsənət  məktəbinin yeni binası

  Zərdab  Rayon  Uşaq  İncəsənət  məktəbi  1965 – ci ildən fəaliyyətə    başlamışdır. Həmin dövrdə  2  ixtisas  üzrə  Fortepiano  və  Tar  ixtisasları  üzrə  fəaliyyət  göstərmişdir. Hal-hazırda Zərdab  Rayon  Uşaq  İncəsənət  məktəbində  8 ixtisas  üzrə  dərslər  tədris  olunur ki, bunlar  fortepiano, tar, kamança , qarmon, nağara  , xanəndəlik ,təsviri-incəsənət  və  xoreoqrafiya  ixtisaslarıdır.

   1965 – ci ildən  2009 – cu  ilədək    məktəb  əsaslı  təmirə  ehtiyacı  olan  binada  fəaliyyət  göstərirdi. Sevindirici  haldır k,i  bu tədris ilində Zərdab  Rayon  Uşaq  İncəsənət  məktəbi  yəni  müasir  standartlara  cavab  verən  müasir  tipli  bina  ilə  təmin  ediləcək