5G və ağıllı şəhərlər

Gələcək texnologiyalar və sürücüsüz avtomobillıər

Biz 2019-cu ilin ən maraqlı texnoloji yeniliklərindən biri ilə sizi tanış etmək istəyirik - bu 5G şəbəkəsidir.

2018-ci ildə beşinci nəsil şəbəkəsi barədə çox danışıldı. Artıq dünyada bu istiqamətdə çoxsaylı testlər keçirilib.  

Beşinci nəsil şəbəkələrin tətbiqi yüksək sürətli mobil internetin istifadəsinə yardımçı olacaq. 5G informasiyanın ləngimədən ikitərəfli ötürülməsinə imkan verəcək, virtual reallıqlara tamamlanmış əlavələrdən istifadə edilməsi, informasiyanın bulud servislərdə saxlanması imkanlarını genişləndirəcəkdir. Bu isə küçələrində özünüidarə edən avtomobillər şütüyən ağıllı şəhərlər ideyasının gerçəklənməsində daha bir addım deməkdir.

Aparılan təcrübələrin uğuruna baxmayaraq,  kommersiya əsaslı belə şəbəkələrin istifadəsinə tələsilimir. Hələ ki, dünyada rəsmi 2 operator 5G şəbəkəni dəstəkləyir. Bunun da səbəbi sadədir: çox baha başa gələn texnologiyadır. Amma tezliklə vəziyyətin dəyişəcəyi gözlənilir. Tezliklə küçələrdə sürücüsüz avtomobillər görsəniz təəccübləməyin.