Milli Məclisə seçkilər: Zərdabdan namizəd kimlər olacaq?

Milli Məclisə seçkilərdə Zərdablılar kimlərə səs vemək istəyir

Bir neçə gündür ki, Miilli Məclisin buraxılması, yeni seçkilərin keçirilməsi barədə xəbərlər gündəmi zəbt edib. Zərdablılar da bu müzakirələrdən kənarda qalmır, millət vəkili görmək istədiyi şəxslərin adını sosial şəbəkələrdə paylaşırlar. Ən çox bir nəfərin adı çəkilir – Vəfa Müradzadə.

Vəfa Muradzadə kimdir?

O, əslən Zərdabın İsaqbağı kəndindəndir. Dəfələrlə rayonda olub, xeyir-şər məclislərində iştirak edib. Coğrafi məkan kimi Zərdabı tanıyır, əhalinin problemlərinə bələddir. İnternetdə, Zərdabla bağlı olan resurslarda, onun zərdablı tələbələrə, imkansız ailələrə köməyi dəfələrlə işıqlandırılıb. Olsun ki, məhz bu amil onu zərdablılara daha yaxın edib.

Deputat seçiləcək şəxsə insanlarla ünsiyyətdə olmaq, problemləri təşəbbüsə, layihəyə çevirmək, onların həllinə nail olmaq üçün uyğun addımlar atmaq bacarığı vacibdir. Düzdür, Vəfa xanım, hələ ki, Zərdabla, zərdablılarla bağlı böyük layihələr həyata keçirməyib (bəlkə də mən səhv edirəm) , amma müyyən görüşlərdə iştirak edib, xüsusilədə gənclərlə görüşlərdə. Həmçinin Vəfa xanımım təsisçisi və sədr olduğu Azərbaycan-Türkiyə İş Qadınları Birliyi, "İş Qadınlarına Dəstək İctimai Birliyi" onun problemlərin həlli üçün konkret layihələri həyata keçirmək qabiliyyətindən xəbər verir.

Deputat qanunların qəbulunda bilavasitə iştirak edir. Onun işi yalnız qanunları bir-iki dəfə oxumaqla bitmir. O, həmin qanunların məntiqi axarını anlamlı, onun mənfi və müsbət tərəflərini hesablmağı bacarmaıdır. Vəfa xanım Bakı Dövlət Universitetinin mexanika-riyaziyyat fakültəsini əla qiymətlərlə bitirib. Riyaziyyatçıların isə məntiq və hesablama bacarığına söz ola bilməz.

Milli Məclis qanun istehsalçısıdır, deputat da bu istehsalın iştirakçısı. Buna görə də deputat seçiləcək şəxs həm də hüquqi biliklərə malik olmalıdır. Vəfa xanım 2004-cü ildən qırmızı diplomlu hüquqşünasdır. İki il vəkil kimi çalışıb, yerli və xarici şirkətlərdə işləyib.

Qanunverici orqanda çalışanların həm də iqtisadi bilikləri mükəmməl olmalıdır. Vəfa Muradzadə 2006-cı ildə ilk Azərbaycan brendi- “Made in Azerbaijan” markası ilə ev tekstili fabriki yaradıb. Son 13 ildə müxtəlif işgüzar sərgilərdə və səfərlərdə iştirak edib. Fransanın Kann festivalında dünyanın 16 iş adamı ilə bərabər “Biznes Qələbəsi” mükafatına layiq görülüb.

Olsun ki, Vəfa xanımı tanıyan zərdablılar bu amillərə əsaslanırlar. Həm də tək bunlara deyil. İnternetdə apardığım kiçik araşdırma əsasında deyə bilərəm ki, Vəfa Muradzadə işgüzardır, inadcıldır, hərtərəfli hazırlığa malikdir, mütaliəni sevir, öz əməyi, biliyi ilə iş qurmağa vərdiş edib (hələ ali məktəbdə oxuduğu illərdə ingilis dilindən tərcümə edib, bildiklərini öyrətməklə məşğul olub). Bir az idealistdir, amma daha çox realistdir. Təmsil etdiyi sahənin bilicisidir, ən əsası korrupsiyaya bulaşmayıb.

Əlbəttə, seçkilərin vaxtı hələ təyin olunmayıb, kimlərin Zərdabdan deputatlığa namizəd olacağı məlum deyil, o cümlədən Vəfa Muradzadənin də. Qərarı hər kəs özü verəcək.

Kimlər namizəd olacaq, kim-kimə səs verəcək, kim Zərdab seçicilərini Milli Məclisdə təmsil edəcək – bunu zaman göztərəcək. Yaşasaq, görərik.

Allah hamımıza xeyirli eləsin! 

Cəmil Əsədov